ایرانی ترک ائد‌ن وطنداشلارین اؤدیجیی روسومون مبلغی آچیقلانیب.

بونونلا باغلی ایران مجلیسی قانون لاییحه‌سی قبول ائدیب.

بو قرارا اساساً، آوروپا اؤلکه‌لرینه هاوا نقلیاتی ایله خاریجه سفر ائد‌ن هر کس ۵ میلیون تومن اؤد‌یه‌جک. مبلغ شرقی آسییا و اوزاق شرق اوچون ۴ میلیون، آمریکا و کانادا اوچون ایسه ۱۰ میلیون تومن نظرده توتولوب.

تورکییه، امارات و دیگر قونشو اؤلکه‌لره هاوا سیاحتی زامانی ۲ میلیون تومن جیوارین‌دا روسوم اؤدنیلجیی بیلدیریلیب.

روسوم اؤد‌مه‌دن وطنداشلارین اؤلکه‌دن چیخیشینا اجازه وئریلمیر.

بو قانونون باشقا بیر ماده‌سینه اساساً، اؤلکه داخیلینده سفرلر زامانی دا بیلت قیمتلرینین بش فایزی حجمین‌ده وئرگی توتولاجاق. وئرگی بیلت پولو ایله یاناشی سرنیشینلردن آلینمالیدیر.

مجلیسین اقتصادیات کمیسییاسینین رئیسی ایلیاس حضرتی، بونو پول یوخ، روسومون آرتماسی آدلاندیریب.

«اصلین‌ده، بو، یئنی بیر مسئله دئییل. روسوملارین هر ایل آرتماسی نورمالدیر».

مدنی میراث، توریزم و ال ایشلری اوزره ایدارنین معاوینی ولی تیمورینین دئدیینه گؤره، ۳۳ سایلی لاییحه‌نین تصدیقله‌نمه‌سی خبری، توریزم ساحه‌سین‌ده بوتون مسئوللاری تعجوبلندیریب. او، بو قانونون ایجراسینین توریزمین اساس چؤکوش سببلرین‌دن اولاجاغینی بیلدیریب.

تبریزین میللت وکیلی شهاب الدین بیمقدار دا بو دوروما رئاکسییا بیلدیریب. او قید ائدیب کی، سانکسییالار و نفتین ساتیلماماسی دؤولتین عمومی بودیجه‌سینی تعمین ائتمک‌ده چتین‌لیک یارادیب. بودجه چاتیشمازلیغینی تعمین ائتمک‌ده بوندان باشقا چیخیش یولو قالماییب.

بوتون بو آچیقلامالار ایسه اجتماعی شبکه‌لرده ایستیفاده‌چیلرین چوخ سرت رئاکسییالارینا سبب اولوب.