«جنوبی پارس» یاتاغینین ۱۴-جو بلوکونون ایشچیلری مواجیبلرینین اؤدنیلمه‌مه‌سی سببی ایله اعتراض آکسییاسی کئچیریبلر.

آخار. آذ-این معلوماتینا گؤره، ایشچیلر آکسییا کئچیرمکله گئجیکدیریلمیش مواجیبلرینین اؤدنیلمه‌سینی و ایشچیلرین آغیر اقتصادی دوروما دقت یئتیریلمه‌سینی طلب ائدیبلر.

«دؤرد آیدیر کی، معاشلاریمیز وئریلمیر. یاشاییشیمیز چتینلشیب؛ دفعه‌لرله کارفرمایا مراجعت ائتسک ده، جواب آلا بیلممیشیک. بونا گؤره آکسییا کئچیرمک مجبوریتین‌ده قالدیق».

کنقان بؤلگه‌سینین باش‌چی معاوینی غلامحسین زیبا ایشچیلرین آکسییا کئچیرمه‌لرینی تصدیقله‌یه‌رک، گلن هفته ایکی آیلیق مااشلارینین اؤدنیلجیینی بیلدیریب.

قید ائدک کی،زیبا اؤتن شنبه گونو ایران صنایع قانونلاری مدیریتی شیرکتینین ۳۰ ایشچی‌سینین ده ۴ آیلیق مااشلارینی آلمادیقلارینی بیلدیریب. ایشچیلر بونا اعتراض اولاراق شنبه گونو «جنوبی پارس» یاتاغینین ۱۴-جو بلوکونون گیریشینی باغلامیش‌دیلار.