ایرانین شیمالین‌دا یئرلشه‌ن مازانداران ویلایتینین میانکالا یاریماداسینین اطرافین‌دا خزر دنیزین‌ده کؤچری قوشلارین غیری-عادی شکیل‌ده تلفاتینی نظره آلاراق ویلایتین شرقین‌ده کؤچری قوشلارین اووو قاداغان ائدیلیب.

آخار. آذ خبر وئریر کی، بونو ایرانین مازانداران ویلایتینین اطراف موحیطین محافظه‌سی ایداره‌سینین باش دیرکتورو ایبراهیم کارنامی دئییب.

کارنامینین سؤزلرینه گؤره، اینسان ساغلاملیغینین قورونماسی مقصدیله فریدونکنار رایونون‌دا کؤچری قوشلارین ساتیشی بازارینین فعالیتی دایاندیریلیب.

کارنامی علاوه ائدیب کی، کؤچری قوشلارین تلفاتینین سببی بللی اولمادیغینا گؤره، اهالییه بو قوشلاردان ایستیفاده ائتمه‌مک توصیه اولونوب.

قید ائدک کی، اؤتن ۴ گون عرضین‌ده میانکالا یاریماداسی اطرافین‌دا ۴،۱ مین کؤچری قوش توپلاناراق باسدیریلیب. بو گون ایسه بو سای ۵،۹۵ مین عد‌ده چاتیب. تلف اولان قوشلار اساساً قاشقالداق، اؤردک و فلامینقودور. قوشلارین هانسی سبب‌دن تلف اولماسی ایله علاقدار آراشدیرما آپاریلیر.