تورکییه پرزیدنتی رجب طیب اردوغان اؤلکه‌سین‌ده یئنی‌دن حربی چئوریلیشه جهد اولوناجاغی باره‌ده یاییلان معلوماتلارا مناسیبت بیلدیریب.

آخار. آذ خبر وئریر کی، اردوغان تورک میللتینین حربی چئوریلیشله باغلی حادثه‌لرده تجروبه‌لی اولدوغونو دئییب:

«بئله حال یاشانارسا، تورکییه خالقی «قاپی‌دان چیخاق، یوخسا چیخمایاق» دئمز. هر کس الین‌ده نه وار، نه یوخ، میدانلارا آخیشار. بونون ان گؤزل جوابینی ۱۵ ایول‌دا وئردیک. بوندان سونرا دا میللتیمین عینی شکیل‌ده جواب وئرجیینه اینانجیم تام‌دیر».

خاطیرلاداق کی، تورکییه‌ده ۲۰۱۶-جی ایل ۱۵ ایول تاریخین‌ده ایستانبول و آنکارادا دؤولت چئوریلیشینه جهد زامانی ۱۰۴-او قیامچی عسگرلر اولماقلا، ۳۰۰-دن آرتیق اینسان حیاتینی ایتیرمیش، ۱۴۹۱ نفر ایسه یارالانمیشدی.