یانوارین ۳۱-دن اعتباراً یاغان گوجلو قار سببیله ایرانین اردبیل و شرقی آذربایجان ایالتلرین‌ده اهالی بؤیوک پروبلمله قارشیلاشیب.

بو سؤزلری گونئی آذربایجان و ایرانین گوندم مسئله‌لری اوزره متخصص مهدی نعیمی گونئی‌ده هفته‌لردیر داوام ائد‌ن سرت هاوا شرایطی ایله باغلی Axar.az-آ دانیشارکن دئییب. او بیلدیریب کی، قار نتیجه‌سین‌ده باغلانان کند یوللارینین بؤیوک حیصه‌سی ساکینلر آچیب:

«قار نتیجه‌سین‌ده اردبیل‌ده تخمیناً ۸۱۹، شرقی آذربایجان‌دا ایسه ۱۵۰۰ کندین یولو باغلاندی. میللتین یاردیمی ایله اردبیل‌ده ۴۷۵ کندین یولو آچیلسا دا، ۳۴۴ کندین یولو هله ده باغلی‌دیر. دؤولت بیلدیریر کی، یوللارین آچیلماسی اوچون دستک گؤندریر، اما گؤندریله‌ن یاردیم اونوانا چاتمیر. دؤولتین گؤندردیی یاردیم یا هئچ بیر ایشه یارامیر، یا دا جزعی دییشیکلییه سبب اولور. بو سببدن اینسانلار اؤزلری باشلارینا چاره قیلماغا، یالین اللری ایله یولو آچماغا چالیشیرلار. شرقی آذربایجان‌دا یوللاری باغلی اولان ۱۵۰۰ کندین بؤیوک بیر حیصه‌سین‌ده پروبلم آرادان قالدیریلسا دا، آلینان سون معلوماتلارا گؤره، هله ۴۰۰ کندین یولو باغلی‌دیر».

م.نعیمی وورغولاییب کی، یوللا باغلی لازیمی ایستروکتور قورولمادیغی اوچون بئله وضعیت یارانیب:

«اگر یئنه قار یاغسا، یوللاری باغلانان کندلر چوخالا بیلر. گوج‌لو قارین یاغماسی سببین‌دن یوللارین باغلانماسی طبیعی بیر پروسدور اولسا دا، مسئله‌نین باشقا یؤنو ده وار. سؤزوگئدن بؤلگه‌لر گونئی آذربایجان جغرافییاسینا داخیل اولدوغو اوچون بورادا دؤولت طرفین‌دن ایستروکتور قورولماییب. جزعی میقداردا قار یاغان کیمی سولار دونور، طبیعی گاز و ایشیقلار کسیلیر، اینسانلار حیاتدان تجرید اولور، بئله‌لیکله گؤندریله‌ن یاردیم دا اونوانا چاتمیر. دؤولت موختلیف یوللارلا، مثلاً، هلیکوپترلرله یاردیم گؤندره بیلر، اما بو، نادیر حاللاردا اولور. مین‌دن چوخ کندین یولو باغلانارسا، طبیعی کی، اونا ۱-۲ هلیکوپترله کؤمک ائتمک اولمایاجاق.

دستک گؤزله‌یه‌ن ضررچکه‌نلره ایدمان‌چیلارین بؤیوک دستیی اولوب. اونلار باجاردیقلاری قدر احتیاجی اولانلاری چؤرکله تعمین ائتمه‌یه چالیشیبلار. آنجاق بو، نه واختا قدر داوام ائد‌جک؟ اینسانلار یاردیم گؤسترمه‌یه چالیشیرلار، اما بو، پروبلمین حلی یولو دئییل».

ایران پرزیدنتینین کؤمک‌چی‌سی محمد باقر نؤوبختین یارانمیش پروبلمله باغلی اؤز بؤلگه‌سینه سفر ائتدیینی قید ائد‌ن نعیمی اونون آذربایجان‌لیلار یاشایان اراضییه دستک وئرجیی ایله باغلی ودینین سؤزده قالدیغینی وورغولاییب:

«پرزیدنتین کؤمکچی‌سی، هانسی کی، او، اؤلکه‌نین بودجه‌سیندن مسئولدور، اؤز بؤلگه‌سینه - گیلانا گئتدی. گیلانا دا قار یاغمیشدی. او، بؤلگه‌سینین پروبلمی ایله یاخین‌دان ماراقلانسا دا، قونشولوقدا یئرلشهن اردبیله گلمه‌دی. بیلدیردی کی، اردبیل‌ده‌کی پروبلمی نظارتده ساخلاییر و الین‌دن گلنی ائد‌جک. اما بو ود ده سؤزده قالدی. بو اؤگی مناسیبت ایستر-ایستمز آذربایجان تورکلرینه قارشی آیری-سئچکی‌لیک ائدیلدیینی دوشونمه‌یه اساس وئریر».

قید ائدک کی، اوزون مدتدیر یاغان گوجلو قار گونئی آذربایجانین بیر چوخ یئرلرین‌ده، او جمله‌دن، کسکین هاوا شرایطی ایله سئچیله‌ن اردبیل‌ده حیاتی ایفلیج ائدیب. بعضی بؤلگه‌لرده قارین هوندورلویو ۴ مئتره چاتیب. هاوا دورومو ایله علاقدار مکتبلرده تعطیل اعلان ائدیلیب. دونن قار اوچقونو نتیجه‌سینده خلخال-اسالم یولونون باغلانماسی ایسه ناراحاتلیق داها دا آرتیب.