حاضردا قاراباغ کونفلیکتینین طرفلری فاصیله گؤتوروبلر: بو، ایروانا اؤز داخیلی پروبلملرینین حلی، باکییا ایسه قوندارما داغلیق قاراباغ‌داکی «سئچکی»نین نتیجه‌لری اوچون لازیمدیر.

آخار. آذ خبر وئریر کی، بونو روسییالی پولیتولوق ایستانیسلاو تاراسوو ارمنی مدیاسینا دئییب. اونون سؤزلرینه گؤره، آذربایجان آنلاییر کی، هر شئی اونلارین پلانلارینا اویغون گئتمه‌سه، قوندارما قاراباغین ایندیکی رهبرلیگی تورپاقلارین قایتاریلماسی باره‌ده سندلرین ایمضالانماسینا مانع اولاجاق:

«پروسس باکو سااکیان گئتدیکدن سونرا باشلایا بیلر. من دوشونوره‌م کی، پاشینیانین ایلهام علیئوله قاراباغا دایر راضیلاشماسی وار. هر شئی خاریجی ایشلر ناظیرلرینین باغلی قاپیلار آرخاسین‌دا ۱۱ ساعت داوام ائد‌ن گؤروشون‌ده حل ائدیلیب. بو وضعیت بیزه طرفلرین پلانی اولماسییلا باغلی گومان ایر‌لی سورمک ایمکانی وئریر».