مسکوا و آنکارا ایدلیب بؤلگه‌سین‌ده گرگینلیین داها دا درینلشمه‌مه‌سی اوچون سعی گؤستره‌جک.

آخار. آذ خبر وئریر کی، بو سؤزلری روسییالی اکسپرت یلئنا سوپونینا دئییب.

«سون حادثه‌لر دؤنوش نقطه‌سینه قدر گلیب چیخیب. گرگینلیک آرتیر، لاکین بو گرگینلیین آزالدیلماسی یؤنون‌ده سعیلر گؤستریلدیینه دایر معلوماتلار دا وار. ایران ایندی معین راضیلاشمانین الده اولونماسی اوچون جهدلر ائدیر. حتی گونده‌مده روسییا، تورکییه و ایرانین ایشتیراکی ایله اوچطرف‌لی ساممیتین کئچیریلمه‌سی مسئله‌سی ده وار. لاکین بو باره‌ده دانیشماق اولدوقجا تئزدیر. چونکی بئله گؤروشون باش توتماسی اوچون لازیمی حاضرلیقلار گؤرولمه‌لیدیر»، - اکسپرت بیلدیریب.

سوپونینا علاوه ائدیب کی، روسییا و تورکییه آراسین‌دا هر ساحه‌ده، خصوصاً اقتصادی سفئرادا الده ائدیلمیش گوجلو امکداشلیغا باخمایاراق، باش وئره‌ن سون پروسئسلر هر ایکی طرف اوچون هیجان سیگنالی‌دیر.