آذربایجانین تبریز شهرین‌ده‌کی باش کونسوللوغون‌دا خوجالی سویقیریمینین ۲۸-جی ایلدؤنومو ایله علاقدار آنیم مراسمی کئچیریلیب.

آخار. آذ خبر وئریر کی، سویقیریمی قوربانلارینین خاطره‌سی بیر دقیقه‌لیک سوکوتلا یاد ائدیلیب.

باش کونسول الینناغی حسینوو چیخیش ائد‌رک بیلدیریب کی، ۱۹۸۸-جی ایلده اس اس ار ای-ده یارانمیش سیاسی وضعیت‌دن ایستیفاده ائد‌ن ارمنیستان آذربایجانا قارشی آچیق اراضی ادعاسی ایر‌لی سورمه‌یه باشلادی و ارمنیستان‌دا یاشایان ۲۰۰ میندک آزربایجانلینی دپورتاسییایا معروض قویدو. بونون آردینجا داغلیق قاراباغین آذربایجان‌لی اجماسینا قارشی کوتلوی ترور و قیرغینلار حیاتا کئچیرمه‌یه باشلادیلار. ارمنیستان-آذربایجان داغلیق قاراباغ مناقیشه‌سینین گئدیشین‌ده ارمنی حربی بیرلشمه‌لری طرفین‌دن ایشغال ائدیلمیش آذربایجان تورپاقلارین‌دا قتلعاملار تؤردیل‌دی.

تدبیرده خوجالی سویقیریمین‌دان و «خوجالییا عدالت!» کامپانییاسی چرچیوه‌سین‌ده گؤروله‌ن ایشلردن بحث ائد‌ن سندلی فیلم نماییش ائتدیریلیب. مراسیم ایشتیراکچیلاری باش کونسوللوغون ارمنی تجاووزو و خوجالی سویقیریمی باره‌ده حاضیرلادیغی فوتوستنده باخیبلار. حادثه‌لره دایر معلوماتلارین آذربایجان، اینگیلیس و فارس دیللرینده عکس اولوندوغو کیتاب، دی وی دی و بروشورلر، آذربایجان تاریخینه دایر ژورناللار ایشتیراکچیلارا پایلانیب. سون‌دا احسان سفره‌سی آچیلیب.

مراسیم‌ده ایرانین شرقی آذربایجان ویلایتینین باش مدنیت و ایسلامی ایرشاد ایداره‌سینین باش دیرکتورونون بیرینجی معاوینی علی پیروزمنش، شرقی آذربایجان ویلایتی مطبوعات ائوینین رهبری مرتضی شفیعی، ایرانین خاریجی ایشلر ناظیرلیینین شیمال-غرب نومایندلیینین رهبری اکبر عیسی‌زاده و نمایندلیین امکداشی، تورکییه‌نین تبریزده‌کی باش کونسوللوغونون امکداشلاری، تبریزده یاشایان آذربایجان وطنداشلاری و اونلارین عائله عضولری ایشتیراک ائدیبلر.