آذربایجان‌لی میللی-مده‌نی فعال علی عزیزی تبریز مرکزی هبسخاناسین‌دان آزاد ائدیلیب.

او، ۵ یوز میلیون تومن گیروو مقابیلین‌ده موقتی آزادلیغا بوراخیلیب.

خاطرلاداق کی، عزیزی ۲۰۱۹-جو ایلین ۲۳ فئورالین‌دا اورمییاداکی آتا ائوین‌ده تهلوکه‌سیزلیک قوه‌لری طرفین‌دن حبس ائدیلیب. فعالا قارشی تبریزین عمومی و اینقیلاب پروکورورلوغونون ۱۶-جی شعبه‌سین‌ده رژیم علیهینه تبلیغ و گاماج قروپونا عضو اولماق اتهامی ایر‌لی سورولوب. اؤتن ایلین سون گونلرین‌ده فعال، اجتماعی قایدانی پوزماق‌دا گناهلاندیریلاراق اورمودا ۵ باشقا فعال ایله بیرلیکده نویابر اعتراضلارین‌دا ۱ میلیون یاریم نقد پول و ۸ آیلیق حبس عوضینه ۲۰ شلاق جزاسی محکوم ائدیلیب.