مارتین ۲۵-ی اهر شهرین‌ده ۷ نفرده کوروناویروس آشکارلانیب.

آخار. آذ خبر وئریر کی، بو باره‌ده اهر شهرینین صحییه و درمان شبکه‌سینین مدیری، حکیم علی نیرپور معلومات وئریب.

اونلاردان ۶-ی اهر ساکینی، بیری ایسه شهره گلمیش قوناق اولوب. بونونلا اهرده کورونایا یولوخانلارین سایی ۴۲ نفره چاتیب.

«حال-حاضردا اهرین باقیر ال اولوم خسته‌خاناسین‌دا ۴۰ خسته یاتیریلیب. اونلاردان ۱۹ نفرینین یوخلانیلما نتیجه‌سی قطعی مثبت، ۲۱ نفری ایسه کورونایا توتولماق‌دا شوبهلیدیرلر. تأسف کی، اهالی صحییه و درمان شبکه‌سینین توصیه‌لرینه رعایت ائتمیر و بئله داورانیش چوخ نیگاران‌چی‌لیق دوغورور. وضعیت بئله داوام ائدرسه، قارشی‌داکی گونلرده کوروناویروسا یولوخانلارین آرتماسینی گؤرجییک. بونونلا دا ویروسدان اؤلوملر آرتاجاق‌دیر».