آنا صحیفه پلانت |
روبئرت لئوینسون ایراندا حبسده اولارکهن حیاتینی ایتیریب.
آخار. آذ خبر وئریر کی، بو سؤزلری اف بی آی-ین کئچمیش مأمورو روبرت لئوینسونون عائلهسی چرشنبه گونو وئردیی آچیقلاماسیندا دئییب. عائله مرحومون ایراندا حبس زامانی اؤلدویو ایله باغلی نتیجهیه گلدیینی بیلدیریب:
«بیز بو یاخینلاردا آمریکا رسمیلریندن اونلاری و بیزی قانع ائدن معلوماتلار الده ائتمیشیک. بئله کی، حیرت آمیز بیر اینسان اولان اریمیز و آتامیز ایراندا حبسده اولارکهن حیاتینی ایتیریب. بیزیم دردیمیز تصور ائدیلمزدیر. عائلهمیز حیاتیمیزین قالانینین ایندیدک تانیدیغیمیز ان گؤزل اینسانسیز کئچیرهجک. بو، آنلامادیغیمیز یئنی بیر حقیقتدیر».
لئوینسونون عائلهسینین یازدیغینا گؤره، اونلار ۲۰۰۷-جی ایلده ایراندا ایتکین دوشن روبئرت لئوینسونون نه واخت و نئجه اؤلدویونو بیلمیر، تکجه بونون کوروناویروسون یاییلماسیندان اؤنجه باش وئردیینی دوشونورلر. اونلار روبئرت لئوینسونون اؤلومونده ایرانی گناهکار حساب ائدیرلر.
آمریکا پرزیدنتی دونالد ترامپ بو آچیقلامایا مناسبت بیلدیریب. او، مناسیبتینده دئییب: «خیر، من اونون اؤلدویونه اینانمیرام. اونلار بیزه اونون اؤلدویونو دئمهییبلر».
تاریخ
2020.03.26 / 17:36
|
مولف
Axar.az
|