گونئی آذربایجانین گئرمی و سرعیین شهرلرینه گیریش قاداغان اولونوب.

آخار. آذ خبر وئریر کی، بو باره‌ده گئرمی شهرینین ایجرا باش‌چی‌سی علی بهیشتی معلومات وئریب.

«یئرلی اولمایانلارین گئرمییه گیریشی قاداغان‌دیر. کوروناویروس ایله مباریزه قرارگاهینین قانونلارینی و قاداغالارینی پوزانلارین آوتومبیللری بوتون ساخلاما خرجلری ده آلیناراق ۱ آیادک ضبط اولوناجاق. ائل‌جه ده ۵۰۰ مین تومندک جریمه ده تطبیق اولونا بیلر. نووروزون اون اوچونجو گونونون کئچیریلمه‌سی گونو بوتون گزینتی یئرلرین‌ده دایانماق قاداغان‌دیر. اومید ائدیریک کی، اهالی بو شرایطی و وضعیتی باشا دوشه‌جک و ائوده قالاجاقلار»، – بهیشتی قید ائدیب.

الده ائدیله‌ن دیگر معلوماتا گؤره، سرعیین شهرینه گیریشلر سمنت بلوکلارلا تمامیله کسیلیب. سرئیین شهرینین دولاما یولو تمامیله باغلانیلیب و سرعیینه گیریش آنجاق دانیش میدانین‌دان کسکین یوخلاما و قیدیاتا اساساً مومکون‌دور.