آنا صحیفه پلانت |
کوروناویروس پاندمییاسی گئنیش شکیلده یاییلدیقدان سونرا ایران حبسخانالاریندا محبوسلارا نظارت چتینلشیب.
آخار. آذ خبر وئریر کی، آرتیق بیر هفتهدیر حبسخانالاردا آردیجیل عصیانلار باش وئرمهسی ایله باغلی خبرلر یاییلیر. یئرلی مسئوللار مسئلهنینی ایلک واختلار گیزلهمهیه چالیشسا دا، ایشین جیددیلشمهسی و حبسخانالارین یاندیریلماسی رسمی آگئنتلیکلری عصیان و حبسخانادان قاچماغا جهدی تصدیقلهمهیه مجبور ائدیب.
معلوماتا گؤره، اؤتن گئجه غربی آذربایجانین سویوقبولاق جزاچکمه موسسهسیندهکی محبوسلار کوروناویروس تهلوکهسیندن قورونماق اوچون حبسخانایا اود ووروب. اوخشار حادثه تهرانین بؤیوک حبسخاناسیندا دا بنزر حادثه باش وئریب.
۳ گون اؤنجه ده تبریزین مرکزی حبسخاناسیندا محبوسلارین اشیالاری یاندیرماسی و ۲ هبسخانا قوهسینین توفنگینی اله کئچیرمهسی ایله قانلی بیر عصیانی باش توتدو. عصیاندا بیر نفر اؤلدورولوب، یارالانانلار دا اولوب.
ایرنا خبر آگنتلیگی همدان حبسخاناسیندا دا محبوسلارین عصیان قالدیردیغینی، بیر چوخ محبوسون قاچماغا موفق اولدوغونو تصدیقلهییب.
قید ائدک کی، کوروناویروس پاندمییاسینین گئنیشلندیی واختدا ایران رژیمی بیر چوخ سیاسی محبوسو موقتی آزادلیغا بوراخماق مجبوریتینده قالسا دا، آذربایجانین میللی-مدنی حرکاتی محبوسلارینین ان تانینمیشلارینی موقتی آزادلیغا بوراخماقدان چکینیر. لطیف حسنی، مهندیس علیرضا فرشی، عباس لیسانی، کاظیم صفابخش و بیر چوخ میللی-مدنی فعاللار هله ده ایران رژیمی طرفیندن آیری-سئچکیلیه معروض قالاراق حبسده جدی تهوکه ایله اوز-اوزدیرلر. رژیم بعضی تهلوکهلی محبوسلارین آزی ۱۴ گون حبسدن کناردا کارانتینده قالماسینی تعمین ائتمهدن بیرباشا موقتی، یاخود دایمی آزادلیغا بوراخیب.
تاریخ
2020.03.29 / 14:00
|
مولف
Axar.az
|