قاراملک، مارالان، ولیعصر، سردری، یئکه دوکان و بهیشتی محله‌لری تبریزین ان چوخ کوروناویروس یاییلان یئرلرین‌دن‌دیر.

آخار. آذ خبر وئریر کی، بو سؤزلری شرقی آذربایجان تبریز طب علملری اونیورسیتتین‌دن روزبه رجایی دئییب:

«خوشبخت‌لیک‌دن، دئمک اولار، قاراملیک بؤلگه‌سی نظارته آلینیب. اما اینسانلار دا حاضر اولمالیدیر».
کوروناویروسون یاییلماسی ایله تبریزین بوتون بؤلگه‌لری ویروسا یولوخوب. بیر نئچه محله‌ده ویروسون گئنیش یاییلماسی دیگر محله‌لرین ساغلام اولماسی آنلامین‌دا دئییل. مارتین ۲۸-ده شرقی آذربایجان‌دا ۱۰ اؤلوم و ۸۲ یئنی یولوخما حالی قیده آلینیب. ایالتده ایندییه قدر ۱۳۶۱ نفر ویروسا یولوخوب، ۱۳۰ نفری اؤلوب»، – او دئییب.