قاراداغ معدنلری طبیعت و اینسانلارین یاشاماسینا تهلوکه تؤرتمک‌ده داوام ائدیر.

آخار. آذ خبر وئریر کی، قاراداغ اطراف موحیط آکتیویستلری ورزقان شهریستانین‌دا یئرلشن اندریان معدنین‌دن ویدئو یاییبلار. چکیله‌ن ویدئودا معدنین فعالیتی زامانی پارتلاییش نتیجه‌سین‌ده داش پارچالارینین اهالینین ائولرینی تهلوکه‌یه آتدیغی بیلدیریلیر.

خطرلاداق کی، بو یاخینلاردا اندریان معدنی اطرافین‌داکی کندلرین قویونلارینین تلف اولماسی سببین‌دن مده‌نین فعالیتینین دایانماسی ایله باغلی رسمی قرار وئریلدی. شرقی آذربایجانین اطراف موحیط ایداره‌سینین دیرکتورو حمید قاسمی مؤوضوع ایله باغلی آراشدیرما آپاریلدیغینی بیلدیرمیشدی. ۲۰۱۹-جو ایلین نویابرین‌دا قاراداغین اهر شهرین‌ده یئرلشن باشقا بیر مده‌نین چیرکاپ سولارینین چایا آخدیغی ویدئوسو دا یاییلمیش‌دیر.