ارک- آذربایجان اینسان حقوقلاری جمعیتینین مدیری خانیم دؤکتور ژاله تبریزی «ایران اینترنشنال» تله‌کانالینا وئردیی مصاحیبه‌ده ایران حبسخانالارین‌دا کوروناویروس تهلوکه‌سی و آذربایجان‌لی محبوسلارین وضعیتین‌دن دانیشیب.

آخار. آذ خبر وئریر کی، اینسان حاقلاری مدافعه‌چی‌سی چیخیشی زامانی ایران حبسخانالارین‌دا حبس ائدیله‌ن سیاسی و میللی-مدنی فعاللارین ساغلاملیغینین بؤیوک نیگارانلیغا سبب اولدوغونو دقته چاتدیریب.

«حبسخانالاردا وضعیت اولدوقجا تهلوکه‌لی‌دیر. آذربایجان‌لی فعاللار عباس لیسانی، لطیف حسنی، الیرزا فرشی، تؤوهید امیر امینی، جعفر روستمیراد، کاظیم صفابخش، امیر ستاری، محمد عبدولمحمدزاده، زینب همرنگ، مژگان سیامی، ملیحه برقی صادقیانی و دیگرلرینین وضعیتی نیگاران‌لیق دوغورور.»-دئیه او صحبتینین بیر حیسه‌سین‌ده قید ائدیب.

دؤکتور ژاله تبریزی رجاییشهر حبسخاناسی، ائوین زیندانی، تبریز، اردبیل، اورمییه، زنجان و دیگر حبسخانالاردا چوخ تهلوکه‌لی وضعیت یاراندیغینی دقته چاتدیریب.