ایران‌دا یئنی نؤع کوروناویروسون (کووید ۱۹) یاییلماسین‌دان ۴۵ گون سونرا بل‌لی اولوب کی، بو ویروس دونوز قریپین‌دن داها تهلوکه‌لی‌دیر.

آخار. آذ خبر وئریر کی، بو باره‌ده ایرانین صحیه، معالیجه و طبی تحصیل ناظیرلیینین سؤزچوسو کیانوش جهانپور معلومات وئریب.

«اوللر ویروسون بو درجه‌ده تهلوکه‌لی اولمادیغی حساب ائدیلیردی. اؤتن هفته‌لر عرضین‌ده ساغلام وطنداشلارا ماسکا توصیه اولونموردو. لاکین آرتیق بو فیکیر دییشیب. دوروم گؤستریر کی، مسافه ساخلانیلمایان مکانلاردا ماسکانین ایستیفاده‌سی ویروسون یاییلماسینین قارشی‌سینی آلا بیلر. سون ۲-۳ گون عرضین‌ده تهران‌دا یئنی‌دن سیخلیق مشاهیده اولونور. حالبوکی، هله ده بوتون اقتصادی فعالیتلرین باشلاماسینا اجازه وئریلمه‌ییب. بو سیخلیق داوام ائدرسه، تهران‌دا ویروسون یاییلماسی یئنی‌دن آرتاجاق»، – او بیلدیریب.

جهانپور علاوه ائدیب کی، چین اؤتن هفته‌لرده کوروناویروسلا مباریزه‌ده ایرانا ان چوخ یاردیم ائدیب. بونو اونوتماق اولماز