ایران‌دا ۹ آیلیق حبس‌دن سونرا ایکی هفته اؤنجه آزادلیغا بوراخیلان فرانسیز تحقیقات‌چی‌سی رولاند مارشال اؤلکه‌سین‌ده ایلک آچیقلاماسینی وئریب.

او، فرانسایا قاییتدیقدان سونرا وئردیی ایلک آچیقلاماسین‌دا حبس دؤورونو «اولدوقجا آغریلی» تصویر ائدیب.

«من فیزیکی اولاراق ایشگه‌نجه گؤرمدیم، اما حبس اولونماغیم‌دان، خصوصاً ده منزوی اولونماغیم‌دان چوخ اذیت چکدیم. دیندیرمه‌لردن داها چوخ، کوروناویروس اوزوندن اجرا ائدیله‌ن ایندیکی «قاپانما» داها آغریلی ایدی»، – دئیه بیلدیریب.

خاطیرلاداق کی، فئورالین سونلارین‌دا آمریکا سانکسییالارینی دؤور ائتمکده گناهلاندیریلان و فرانسادا توتولان ایران وطنداشی جلال روحوللاه نژاد آزاد ائدیلیب. عینی واخت‌دا، رولاند مارشال دا آزادلیغا بوراخیلیب. آنجاق ایران-فرانسا وطنداشی رولاند مارشالین دوستو و امکداشی فریبا عادل خواه ایسه هله ده ایران‌دا حبس‌ده‌دیر.