گونئی آذربایجانین تبریز شهرینین شورا عضوو، فیریدون بابایی شهرین شیمال یول کئچیدی اولان پاسداران اتوبانیندا تورپاق سوروشمه‌سی تهلوکه‌سی ایله باغلی خبردارلیق ائدیب.

آخار. آذ خبر وئریر کی، شهر شوراسینین شهرسالما و معمارلیق کمیسییاسینین ریسی اولان بابایی همین یول‌دا آسفالتین ۴ نقطه‌ده چؤکدویونو بیلدیریب.

او علاوه ائدیب کی، مشاهده اولونان آسفالت چؤکمه‌سی جدی ناراحات‌لیق یارادیر و هر آن اورادا تورپاق سوروشمه‌سی باش وئره بیلر.

بابایی مسئله‌نین ان قیسا زامان‌دا آراشدیریلماسینین و لازیمی تدبیرلرین گؤرولمه‌سینین ضروری اولدوغونو بیلدیریب.