یکشنبه گونو چین‌ین اسرائیل‌ده‌کی بؤیوک ائلچیسی‌نین جسدی تئل‌آویو-ده‌کی ائوینده تاپیلدی.

اسرائیل خاریجی ایش‌لر باخان‌لیغی اونون اؤلومونو تایید ائله‌دی، آما اؤلومونون نه‌دنی هله بللی دییل. پلیس سببینی آراشدیرماقدادیر. اسرائیل-ین اوردو رادیوسونون راپورونا گؤره هئچ بیر شیددت آثاری حادیثه یدرینده گؤرولمه‌ییب، او طبیعی بیر اؤلومله حیاتینی ایتیرمیش اولا بیلیر.

اسرائیل مئدیالاری‌نین راپورونا گؤره، بؤیوک ائلچی‌نین یاشادیغی یئرین اطرافیندا پلیس حاضیردیر و عادی جماعاتین گل-گئدینی کنترول ائدیر. 58 یاش اولان، چین-ین اسرائیل‌ده‌کی بؤیوک ائلچیسی، فئوریه آییندا بو مقاما منصوب اولوب. او، یات یولداشی و اوغلویلا بیرلیکده یاشیردی.