ایران رژیمی مسئوللارینین لاقید مناسیبتی نتیجه‌سین‌ده «تبریز پئشه موزئیی»نین فعالیتینین همیشه‌لیک دایاندیریلماسی ایله باغلی تنقیدلر داوام ائدیر.

آخار. آذ خبر وئریر کی، اوچ ایل اؤنجه تبریزلی هئیکلتراش و کولکسییاچی رضا سرابی اقده‌مین تشببوسو ایله فعالیته باشلایان و آذربایجانین تاریخی پئشه‌لرینی اؤزون‌ده عکس ائتدیره‌ن موزئی مایین ۱۸-ده دونیا موزئی گونون‌ده باغلاندی.

قاپادیلان موزئیه عایید اشیالارین تبریز بلدییه‌سی ایداره‌سی طرفین‌دن اویغون‌سوز شکیل‌ده داشینماسینی عکس ائتدیره‌ن ویدئو سوسیال شبکه‌لرده اعتراضلارا سبب اولوب.

اجتماعی شبکه‌لرده پایلاشیلان ویدئودا آذربایجانین تاریخی اکسپوناتلارینین تبریز شهرینین ۸ سای‌لی رایونونون بلدییه ایداره‌سینه مخصوص زیبیل ماشینی ایله داشیندیغی گؤستریلیر.