بو گون گونئی آذربایجان‌لیلارین ایران‌دا ایرق‌چی‌لیک علیهینه باش قالدیردیغی گونون ایلدؤنومودور. ۲۰۰۶-جی ایل مای قیامین‌دان (۱۳۸۵-جی ایل ۱ خورداد قیامی) ۱۴ ایل اؤتور.

آخار. آذ خاطیرلادیر کی، ایران دؤولتینین رسمی اورقانی اولان «ایران» قزئتی ۱۳ مای ۲۰۰۶-جی ایل تاریخ‌لی سایین‌دا تورکلری بؤجک کیمی تصویر ائد‌ن کاریکاتورا درج ائدیب. بونا اعتراض ائد‌ن آذربایجان‌لیلار یاشادیقلاری شهر و قصبه‌لرده آکسییالارا باشلادیلار.

تبریز، اورمییا، اردبیل، سولدوز، مرند، خوی، ماکی، میانا، مئشگینشهر و س. کیمی شهرلری قیسا مدت‌ده کوتلوی اعتراضلار بورودو و بو وضعیت گونلرله داوام ائتدی. ایران حقوق-محافظه اورقانلاری ایسه گوج‌دن ایستیفاده ائد‌رک دینج شکیل‌ده کئچیریله‌ن اعتراض آکسییالارینی دایاندیرماغا چالیشدی.

همین اعتراضالاردا اونلارلا سویداشیمیز تهلوکه‌سیزلیک قوه‌لرینین آچدیغی آتش نتیجه‌سین‌ده شهید اولوب، یوزلرله اینسان یارالانیب و مینلرله اعتراضچی حبس ائدیلیب و تعقیبلره معروض قالدی.

ایرانین داخیلین‌ده و خاریجین‌ده فعالیت گؤستره‌ن فارس‌دیللی مئدیا آذربایجان‌لیلارین بو حرکاتینی بایکوت ائتدی. بیر چوخ حال‌دا ایران رژیمینین موخالیفتی کیمی تانینان قروپلار آذربایجان‌لیلارین طلبلری قارشی‌سین‌دا حکومتین یانین‌دا اولدوقلارینی اعلان ائتدیلر.