تبریز طب اونیورسیتتینین رکتورو دوکتور محمد حسین سومی شرقی آذربایجان ویلایتین‌ده اهالینین تقریباً ۱۸ فایزینین کووید-۱۹ ویروسونو داشیدیغینی بیلدیریب.

ایاخار. آذ خبر وئریر کی، طب اونیورسیتتی و صحیه خیدمتینین رهبری حیاتا کئچیریله‌ن تستلرین نتیجه‌لرینه اساس‌لاناراق دئییب کی، ویلایت‌ده هر ۱۰۰ نفردن ۱۸-ی ویروسا یولوخوب.

دوکتور سومینین سؤزلرینه گؤره، مای آیینین ۲۸-ا قدر شرقی آذربایجان ویلایتین‌ده تئست‌دن کئچیریله‌نلرین ۸۸۲۰ نفرین‌ده کووید-۱۹ اینفئکسییاسی آشکارلانیب.

«داها اول هر گون کوروناویروس سببیله ۱۵۰ ایله ۱۸۰ نفر خسته‌خانایا یاتیریلیردی. کئچه‌ن ۲۴ ساعت‌دا ایسه ویلایتلرین خسته‌خانالارین‌دا یاتیریلانلارین سایی ۸۰ نفر اولوب. اؤل‌لرین سایی دا آزالیب. حاضردا اؤلنلرین سایی هر گون اورتالاما ۳ نفردیر،» شرقی آذربایجان صحیه خیدمتینین رهبری مای آیینین ۲۸-ده بیلدیریب.

دوکتور سومی همچینین دئییب کی، اهالی و ایش یئری صاحبلری یولوخمالارین هله داوام ائتدیینی بیلمه‌لی، فردی گیگیئنا و سوسیال مسافه قایدالارینا عمل ائتملیدیرلر.