غربی آذربایجان ویلایتینین بؤلگه سو شیرکتینین عامل مدیری آتابک جعفری بیلدیرب کی، «ویلایتین سدلری آرخاسین‌داکی گؤللرده اوزمک قاداغان اولونوب. اومید ائدیریک کی، اوستانین اهالی‌سی بو قاداغایا دقتلی اولاجاقلار.

اؤتن ایلده اولموش خوشاگلمز حادثه‌لرین قارشی‌سی آلینمالی‌دیر. ایستی فصیلین باشلاندیغینا گؤره ساکینلردن بیر سیراسی شیرکتیمیزین چاغیریشلارینا و بیلدیرشلرینه سایمازلیق ائد‌رک غربی آذربایجانین سدلرین‌ده و سو تاسیساتلارین‌دا اوزورلر، بو ایسه یاشاملارینا تهلوکه یارادیر و بوغولمالار باش وئریر. بو بندلر آنجاق سو ایستیفاده‌سی اوچون تیکدیریلیب و اصلا اوزمه‌یه مناسیب دئییل‌دیر. بو گؤلمچه‌لرده اوزمکله حادثه‌نین اولاجاغی احتیمالی بؤیوک‌دور، هر هان‌سی حادثه اولارسا، بو شیرکت و تابعلیین‌ده اولان قوروملار هئچ بیر مسئولیت داشیمیرلار.».

آخار. آذ خبر وئریر کی، غربی آذربایجان‌دا حال حاضردا ۱۳ بند ، او جمله‌دن اورمونون شهرچایی، چایپارانین آغچای بندلری وار.