آذربایجان‌لیلارین گئنیش اعتراضین‌دان سونرا خوی بلدییه‌سی شهرین تاریخی بازارینین اوریژینال تورکجه مکان آدلارینین یئرینه تحریف ائدیلمیش فارسجا آدلار یازیلان لؤحه‌لری دوزلتمه‌یه مجبور اولوب.

آخار. آذ خبر وئریر کی، سؤزوگئدن لؤحه‌لرده «بؤرکچو بازار»، «فرش‌چی بازار»، «میسگر بازار»، پنجره‌چی بازار»، «راستا بازار»، «خرزی بازار»، «دوشابچی بازار» و س. کیمی آدلار فارس سؤزلری ایله دییشدیریلمیش‌دی.

بلدییه‌نین بو حرکتی سوسیال شبکه‌ده آذربایجان‌لیلارین گئنیش اعتراضینا سبب اولدو. آذربایجان‌لی ایستیفاده‌چیلر بو آددی‌می ایران‌دا تطبیق اولونان پان-ایرانیست ایرق‌چی سیاستلرین داوامی اولدوغونو، آذربایجانین تورک کیملیینی دییشمک مقصدی داشیدیغینی یازاراق «بو شهر اؤز کیملیینی ایستییر» شعاری ایله سؤزوگئدن لؤحه‌لرین دوزلدیلمه‌سینی طلب ائتدیلر.