گونئی آربایجانین اردبیل ایالتین‌ده ۴۵ یئنی کوروناویروسا یولوخما حالینین آشکار ائدیلمه‌سی ایله ایالت‌ده «جووید-۱۹» اینفئکسییاسینا یولوخنلارین عمومی سایی ۳۰۰۵ نفره چاتیب.

آخار. آذ خبر وئریر کی، بو باره‌ده، اردبیل طب اونیورسیتتینین رکتورو شهرام حبیب‌زاده مئدیایا آچیقلاماسین‌دا پاندمییا قوربانلارینین یئنی ایستاتیستیکاسینی آچیقلایاراق معلومات یاییب.

شهرام حبیبزادنین دئدیینه گؤره، اردبیل ایالتین‌ده پاندمییا یولوخوجو خسته‌لیینه یولوخانلاردان ۲۰۳۳ نفری تام ساغالاراق ائوه بوراخیلیب، ۱۰۶ نفر ایسه حاضردا ایالتین موختلیف شهرلرینین خسته‌خانالارین‌دا موالیجه آلیر.

او، حاضردا وضعیتی آغیر اولدوغونا گؤره ۳۸ خسته‌نین خصوصی رئژیم‌لی خسته‌خانالاردا معالیجه آلدیغینی بیل‌دیره‌رک، سون بیر گون عرضین‌ده اردبیل ایالتین‌ده کوروناویروس‌دان اؤلنلرین اولمادیغینی آچیقلاییب.