ایرانین خاریجی ایشلر ناظری محمد جواد ظریف آوروپا دؤولتلرینی ایکی‌لی ایستاندارتلار سیاستین‌دن چیخیش ائتمه‌لرینه گؤره کسکین تنقید ائدیب.

آخار. آذ خبر وئریر کی، ظریف آمریکا شهرلرین‌ده باش وئره‌ن اعتراض آکسییالارین‌دا پلیسین اینسانلارا قارشی قددار داورانماسینا آوروپا اتفاقینین گؤز یومدوغونو بیلدیریب. ناظر قید ائدیب کی، دونیانین اوچونجو اؤلکه‌لرین‌ده پلیسین کیچیک بیر یانلیش‌لیغی اولارسا، آوروپا دؤولتلری بیر-بیرینین آردینجا بیاناتلار یاغدیریب، هم دؤولتی اینسان حقوقلارینی پوزماق‌دا اتهام ائد‌جک، اونو سانکسییالارلا هده‌له‌یه‌جکلر. لاکین آمریکادا اینسانین پولیس طرفین‌دن اؤلدورولمه‌سی فاکتی آشکار شکیل‌ده اورتادا اولدوغو حال‌دا هئچ بیر آوروپا دؤولتی ندن‌سه سسینی چیخارمیر.

ظریف اؤزونون «Twitter» حسابین‌دا یازیب کی، اگر آوروپا آمریکادا باش وئره‌نلره قارشی سوسورسا، اوندا آغزینی و گؤزونو همیشه‌لیک باغلامالی‌دیر. گله‌جک‌ده هر هان‌سی بیر اؤلکه‌ده اینسان حقوقلارینین پوزولماسین‌دان صحبت گئدرسه، آوروپا دؤولتلرینین بونا مناسیبت بیل‌دیرمک اوچون حاقلاری چاتمایاجاق.

قید ائدک کی، آبش-دا قارادریلی جورج فلویدون پولیس طرفین‌دن شوبهه‌لی بیلینه‌رک ساخلانیلماسی زامانی اؤلمه‌سی کوتلوی اعتراض آکسییالارینا سبب اولوب. پلیس بو آکسییالار زامانی دا قددار داورانیش نوماییش ائتدیریب.