آناکارا و شیمالی کیپر رهبرلیگی ماراش شهرینین یئنی‌دن آچیلماسی ایله باغلی ایشلری سورتلندیریب.

آخار. آز خبر وئریر کی، آرتیق ۴۶ ایلدیر باغلی اولان شهرین فعالیته کئچمه‌سی اوچون «یول خریته‌سی» آچیقلانیب.

مسئله ایله باغلی دانیشان شیمالی کیپرین باش ناظری ارسین تاتار ماراش اوچون قتیت‌لی مؤقع سرگیله‌یه‌جکلرینی بیلدیریب:

«تورکییه ایله امکداش‌لیق چرچیوه‌سین‌ده بوتون قرارلار گئجیکمه‌دن حیاتا کئچیریله‌جک. ماراشین ان قیسا مدت‌ده آچیلماسی اوچون خاریجی ایشلر نازیرلیینین باشلاتدیغی ایشلر داوام ائتدیریله‌جک و بو ایشلره دستک اولماق اوچون نازیرلر کابینئتی داخیلین‌ده هم متخصص، هم ده بوروکراتلاردان عبارت کومیس‌سییا یارادیلاجاق. شیمالی کیپر یئنی بیر سینقاپور اولا بیلر.

تورکییه‌نین شیمالی کیپرین سینقاپور اولماسی اوچون ایر‌لی سوردویو فیکیرلر بیزیم اوچون چوخ دیرلی‌دیر».

قئید ائدک کی، ماراش بؤلگه‌سی کیپر سوله حرکاتین‌دان سونرا شیمالی کیپر طرفین‌دن حربی بؤلگه اعلان ائدیلیب و تهلوکه‌سیزلیک اوچون اراضی‌ده یاشایان اهالی تخ‌لییه اولونوب. ماراش بیر واختلار «خیاللار شهری» کیمی ده تانینیب.