آمریکا محکمه‌لریندن بیری ایران‌دان ونزوئلایا نفت و نفت محصوللاری آپاراجاق دؤرد تانکرین مصادیره‌سی حاق‌دا قرار چیخاریب.

آخار. آذ خبر وئریر کی، بو باره‌ده آمریکانین عدلیه ناظیرلیین‌دن معلومات وئریلیب.

بیلدیریلیب کی، آمریکا عدلیه ناظیرلیینین واشینگتن‌دا فدرال محکمه قارشی‌سین‌دا ونزوئلایا یاناجاق آپاران ایران گمیلرینین ساخلانیلماسی حاق‌دا ایشین قالدیریلماسی طلبین‌دن سونرا، بو محکمه بیر میلیون بارل‌دن چوخ نفت داشییان گمیلرین مصادیره‌سی حاق‌دا حکم چیخاریب.

قید ائدک کی، ایران ونزوئلایا نفت و نفت محصوللارینین داشینماسینی داوام ائتدیرجیینی بیلدیریب.

آمریکانین ونزوئلایا قارشی سرت سانکسییالاری و اقتصادی بلوکاداسینا گؤره بو اؤلکه‌ده جدی شکیل‌ده بنزین قیتلیغی یارانیب. اؤتن آی ایرانین ۵ تانکری بو اؤلکه‌یه بیر میلیون یاریم‌دان آرتیق یاناجاق چاتدیریب. آمریکا گمیلرین ساخلانیلماسی ایله باغلی تهدیدلر ائتسه ده اونو حیاتا کئچیره بیلمه‌ییب. ایران جاری آیدا لیوانادا ایکی تانکر گؤندرجیینی بیلدیریب.