گونئی آذربایجانین همدان ایالتین‌ده باش وئره‌ن آغیر یول قزاسین‌دا ۳ نفر دونیاسینی دییشیب.

آخار. آذ خبر وئریر کی، حادثه صالح آباد-حسنقیشلاق یولون‌دا باش وئریب.

معلوماتا گؤره، «پژو ۴۰۵» و «پراید» مینیک آوتومبیللرینین توققوشماسی نتیجه‌سین‌ده ۳ سرنیشین حادثه یئرین‌ده اؤلوب، ۴ نفر ایسه موختلیف درجه‌لی بد‌ن خسارتی آلیب.

خسارت آلانلار تعجیلی طبی یاردیم ماشینی ایله همدان شهرینین «بست» خسته‌خاناسینا چاتدیریلیب.

قید ائدک کی، گونئی آذربایجان یوللارین‌دا تخمیناً هر گون اینسان تلفاتی و کوتلوی خسارت آلما ایله نتیجه‌لنه‌ن مختلیف یول قزالاری باش وئریر. اکسپرتلر یوللارین غیری-ایستاندارت اولماسی، آوتومبیللرین کئیفیتسیز اولماسی و اینسان عاملینی باش وئره‌ن قزالارین اساس سببی کیمی گؤستریر.