ناتو-یا عضولویو ایله باغلی تورکییه ایله ایشگزار دیالوگا قاییتماغا اومید ائدیریک.

Axar.az خبر وئریر کی، بو باره‌ده ایسوچ باش ناظری اولف کریسترسسون دئییب.

«یئنی‌دن ایشگزار دیالوگا قاییتماغی آرزو ائدیره‌م. بو پروسئس‌ده تمکین‌لی اولماغا چاغیریرام. ایسوچ، فینلاندییا و تورکییه اوچطرف‌لی سازیش امضالاییب. هر شئی یاخشی گئدیر. لاکین بللیدیر کی، هر شئیی بیه‌نمیریک»، - دئیه او بیلدیریب.

قید ائدک کی، تورکییه، ایسوچ و فینلاندییا آراسیندا ناتو-یا عضولوکله باغلی اوچطرف‌لی فورماتدا گؤروش آنکارانین طلبی ایله لغو ائدیلیب.

بیر نئچه گون اؤنجه ایستکهلم‌دا تورکییه سفیرلیگی قارشی‌سیندا قران کریمین یاندیریلماسی تورکییه‌نین حاقلی ناراضی‌لیغینا سبب اولوب.