پاشینیانین نظارتین‌ده اولان «هراپاراک» قزئتی روبن واردانیانین ارمنیستان حاکمیتینین گؤستریشی ایله قاراباغدان دپورتاسییا ائدیلدیینی یازیب. یعنی ایروان غیری-رسمی کانال واسطه‌سیله آذربایجانین واردانیانی دپورتاسییا ائتمک طلبینی یئرینه یئتیردیینی باکییا بیلدیریب.

Axar.az خبر وئریر کی، بونو روسییالی آنالیتیک آندرئی پتروو دئییب.

«واردانیانین آذربایجان‌دان قاچماسینین نه دئمک اولدوغونو باشا دوشمک اوچون اونون قاراباغ سرگوزشتلرینین نئجه اینکیشاف ائتدیینی خاطیرلایاق. غرب اؤلکه‌لرینین سانکسییا سیاهیسینا دوشمک تهلوکه‌سی یارانمیشدی، املاک و مالییه‌سینه گلن تهلوکه‌دن خلاص اولماق اوچون واردانیان روسییا وطنداشلیغیندان ایمتینا ائتدی. ارمنیستان پاسپورتو آلدی. لاچین یولو ایله آذربایجانین قاراباغ اقتصادی رایونوندا روس صولحمرام‌لیلارین موقتی یئرلشدیریلدیی زونایا قانون‌سوز داخیل اولدو.

مقصدی ایروانین قاراباغدا یاراتدیغی سپارات‌چی لاییحه‌نی داوام ائتدیرمک ایدی. یعنی میللتچی روبرت کؤچریان و سرژ سرکیسیانین «محاربه پارتییاسی»نین ۳۰ ایلده ائده بیلمدیکلرینی رئاللاشدیرماق ایستییردی. واردانیانین جمعی ۱ میلیارد دلاری وار. آذربایجانین ارمنیستانین ایشغالچی قوه‌لرینی مغلوب ائدیب تورپاقلاریندان قوودوغو ایندیکی وضعیتده پول ساده‌جه هئچ نیی حل ائتمیر. میلیاردر هئچ واخت رئال سیاستله مشغول اولماییب. نه پاشینیانین کومانداسی، نه ده اونون خانکندیده‌کی ماریونتلری ایله جدی علاقه ساخلاییب، اوسته‌لیک، باکی ایله هئچ بیر دیالوگدا اشتراک ائتمه‌ییب. چوخ دا وارلی اولمایان بیر آدامین ده-فاکتو تکباشینا محاربه‌دن سونراکی حادثه‌لرین گئدیشاتینی نئجه دییشدیرجیی تمامیله آنلاشیلماز ایدی. او واختا قدر کی، واردانیانین حقیقتا نیه آذربایجانا گئتدیی آیدینلاشدی. نویابر آیین‌دا خانکندیدن ارمنیستانا گئدن لاچین یولوندا فیلیزله دولو یوک ماشینلاری گؤروندو. معلوم اولدو کی، واردانیانین رهبرلیگی و تشببوسو ایله ایروانین محاربه‌دن سونرا کسیلن قانون‌سوز معدن حاصیلاتی برپا ائدیلیب. یعنی میلیاردر قاراباغا ارمنی میللتچیلیینه پول خرجله‌مک اوچون یوخ، آذربایجان متاللارینی اوغورلاماقلا پول قازانماق اوچون گلیب»، - او بیلدیریب.

پتروو قید ائدیب کی، ایروانین غیری-رسمی منبع‌سی اولان «هراپاراک» ارمنیستانین قاراباغداکی اساس ماریونتی آروتیونیانین دا اؤتن هفته مسکوایا سفر ائتدیینی یازیب:

«بو، یئری گلمیشکن، ارمنیستانین لاچین یولونون «بلوکادایا» آلینماسی ایله باغلی بیاناتلارینی تکزیب ائدیر. روس صولحمراملیلارین آذربایجان‌دان ارمنیستانا گؤندردیی هومانیتار کاروانلاردان بیری گیزلی شکیلده واردانیانی چیخاریب. ادعا اولونور کی، واردانیان قاراباغداکی ساختا مؤقعلریندن ال چکه‌جک و داها قاراباغا قاییتمایاجاق. واردانیانین گئدیشی ارمنیستان-آذربایجان مناسیبتلرینین تنظیمله‌نمه‌سینده مهم حادثه‌دیر. ارمنیستان حاکمیتینین عهده‌لیکلرینی یئرینه یئتیرمک ایسته‌مه‌مه‌سی اوجباتین‌دان باکی ایله ایروان آراسین‌دا همیشه چوخ نازیک خطده اولان دیالوگا داغیدیجی نیتلی کنار شخصلر مداخیله ائتمه‌مه‌لیدیر. معلومدور کی، قاراباغ ارمنیلری آرتیق کوتلوی شکیلده آذربایجان پاسپورتلارینی آلماغا حاضیردیرلار و پاشینیان قاراباغداکی سپارات‌چی لاییحه‌نین باغلانماسی ایله راضی‌دیر. واردانیانین دپورتاسییاسی رگیونو ثابت، دینج گله‌جه‌یه آپاران یولداکی مانعه‌دن خلاص ائد‌جک».