آوروپا بیرلییی پراگادا آذربایجانین اراضی بوتؤولویونو هانسی سرحدلر چرچیوه‌سینده تانیییب؟ ایلهام علیئوین دئدیی ۸ کند بورا داخیلدیرمی؟

Axar.az خبر وئریر کی، بونو ارمنی پولیتولوگ بنیامین ماتووسیان دئییب.

«پاشینیان پارلامنت‌ده بیان ائتدی کی، ۲۰۲۲-جی ایلین اوکتیابریندا پراگادا کئچیریلن دؤردطرف‌لی گؤروشده آوروپا بیرلییی ارمنیستانین سرحدلرینی آیدین شکیلده معین ائدیب و بو سرحده نظارت ائتمک اوچون مشاهیده‌چیلرینی گؤندره‌جک. پاشینیانین بیاناتینین منفی طرفی وار: اگر آوروپا بیرلییی ارمنیستانین سرحدلرینی معین ائدیبسه، باشقا سؤزله، «X» سرحدلری داخیلینده اونون اراضی بوتؤولویونو تانیییبسا، بو او دئمکدیر کی، «y» سرحدلری داخیلینده ده آذربایجانین اراضی بوتؤولویونو تانیییب. باکی‌دا اراضی بوتؤولویو آنلاییشی ایسه یالنیز قاراباغین آذربایجانین ترکیبینه داخیل ائدیلمه‌سی ایله قبول ائدیلیر.آنجاق ایندیکی وضعیتده من قاراباغلا دئییل، ارمنیستانلا باغلی رئاللیقلارا آیدینلیق گتیرمک ایستردیم. چونکی رسمی باکینین مؤوقعینه گؤره، ارمنیستان داها ​​۸ کندی قایتارمالیدیر. ایلهام علیئو فرانسا پرزیدنتی ایله صحبتینده بیرباشا دئییب کی، ارمنیستان آذربایجانا مخصوص ۸ کندی ایشغال آلتیندا ساخلاییر. اگر پراگادا پاشینیان تکجه قاراباغین دئییل، ۸ کندین اوزرینده ده آذربایجانین سوورنلیینی تانیییبسا، عینی زامان‌دا، آوروپا بیرلییی ده آذربایجانین اراضی بوتؤولویونو گؤستریلن ۸ کندله ده تانیییبسا، بو گون آچیق شکیلده دئمک لازیم‌دیر کی، بیز ایتیردیک. نه ایتیردیک؟ بو کندلره نظارت ائتمه‌مک تکجه زنگزور و قاراباغ اوچون دئییل، بوتون ارمنیستان اوچون انرژی و نقلیات تجریدینه گتیریب چیخاریر»، - او بیلدیریب.

ماتووسیان قید ائدیب کی، ان مهم دولتلرآراسی ماگیسترال ارمنیستانین مرکزی حیصه‌سینی زنگزور، قاراباغ و ایرانلا بیرلشدیره‌ن کرکی کندیندن کئچیر:

«اگر کرکی الده‌ن گئتسه، او زامان ارمنیستانین قاراباغدا و ایراندا یالنیز بیر چیخیش یولو اولاجاق - وئدی یولو. آشاغی اسکیپارایا (ووسکپارا - رئد.) گلینجه، گرجستانا دؤولتلرآراسی یول اورادان کئچیر. بو اراضییه نظارتین ایتیریلمه‌سی گرجستان‌دان ارمنیستانا (قیرمیزی کؤرپو - سوکار - برد خطی ایله کئچن) گاز کمرینین فیزیکی مؤوجودلوغونو دا «تهلوکه» آلتینا قویور. بو اراضیلرین ایتیریلمه‌سی بؤیوک ریسکلر داشیییر. اگر آوروپا بیرلییی پراگادا ارمنیستانین اراضی بوتؤولویونو تانیییبسا و بونون نتیجه‌سینده باکی لاچین یولونون «باغلاییبسا»، اوندا آوروپا بیرلییی آذربایجانین اراضی بوتؤولویونو هانسی کونکرت سرحدلر چرچیوه‌سینده تانیییب. گؤستریلن یاشاییش منطقه‌لری و اونلاردان کئچن کوممونیکاسییالار اورا داخیل اولورمو؟ سوال حیاتی اهمیت کسب ائدیر، چونکی هئچ کیم تأمینات وئره بیلمز کی، قاراباغدان سونرا غربی آذربایجان اجماسی اؤز تاریخی تورپاقلارینا، یعنی ارمنیستانین شهر و کندلرینه گئری قاییتماغی طلب ائتمه‌یه‌جک»