ارمنیستان خاریجی ایشلر ناظری آرارات میرزویانین تورکییه‌یه سفرینین داها بیر دتالی بللی اولوب.

Axar.az خبر وئریر کی، بو باره‌ده معلوماتی «پاست» قزئتی یاییب. معلوماتا گؤره، آنکارادا میرزویانا آچیق شکیلده بیلدیریلیب کی، آذربایجانلا ارمنیستان، ائلجه ده ارمنیستانلا تورکییه مناسیبتلرینین نیظاملانماسینا مانع اولان اساس فاکتورلاردان بیری قوندارما رژیمین دؤولت ناظری روبن واردانیان‌دیر.

قزئت اؤز منبع‌لرینه ایستینادا میرزویانین گؤروشده تورکییه طرفینه بیرباشا باش ناظر نیکول پاشینیانین آدیندان وعد وئردیینی بیلدیریب. بئله کی، میرزویان چاووشوغلونا تئزلیکله روبن واردانیان مسئله‌سینی حل ائد‌جکلرینی سؤیله‌ییب.

قید ائدک کی، میرزویان آنکارایا بیر نئچه گون اؤنجه سفر ائدیب. محصولدار کئچن سفردن سونرا میرزویان تورکییه ایله کونکرت راضیلیقلارا گلدیینی بیلدیریب. ارمنیستان باش ناظری نیکول پاشینیان دا میرزویانین سفرین‌دن ممنون اولدوغونو بیلدیریب.

دقت چکن مقام سفردن بیر گون اؤنجه ایروانین باکینین صولح تکلیفلرینه جواب یوللاماسی اولوب. بوندان سونرا پارلامئنت‌ده پارتییاسینین دپوتاتلاری ایله گیزلی گؤروش کئچیرن پاشینیان اونلارا آذربایجانلا بو ایل عرضین‌ده صولح مقاویله‌سینی ایمضالاماغا چالیشاجاقلارینی دئییب.