آذربایجانین غیری-حکومت تشکیلاتلاری (قهت) نماینده‌لرینین قاراباغدا روسییا صولحمراملیلارینین موقتی یئرلشدیریلدیی زونادا کئچیردیی اعتراض آکسییاسی آرتیق ۸۱ گوندور کی، داوام ائدیر.

Axar.az خبر وئریر کی، هاوانین سویوق اولماسینا باخمایاراق آکسییا ایشتیراکچیلاری اعتراضلارینی داوام ائتدیریرلر.

قید ائدک کی، ۲۰۲۲-جی ایل دکابرین ۳-ده و ۷-ده روسییا صولح‌مراملی کونتینگنتینین کوماندانلیغی (فرماندهی یگانهای نیروهای محافظ صلح روسیه) ایله آپاریلمیش مذاکیره‌لرین نتیجه‌سی اولاراق اقتصادیات ناظرلیگی، اکولوگییا و طبیعی ثروتلر ناظرلیگی، اقتصادیات ناظرلیگی یانین‌دا املاک مسئله‌لری دولت خیدمتی و «آزرگولد» قاپالی سهمدار جمعیتینین متخصصلرین‌دن عبارت هئیت روسییا صولح‌مراملی کونتینگنتینین ( یگانهای نیروهای محافظ صلح روسیه) موقتی یئرلشدیی آذربایجان اراضیلرین‌ده فایدالی قازینتی یاتاقلارینین قانون‌سوز استیثماری (استفاده‌سی)، بوندان ایر‌لی گلن اکولوژی و دیگر فسادلارلا باغلی ایلکین مونیتورینگ(بازرسی) آپارمالی ایدی. لاکین صولح‌مرام‌لیلارین حرکتسیزلیگی اوجباتین‌دان مونیتورینگ (بازرسی) باش توتماییب.