تورکییه‌ده ۱۴ مای‌دا کچیریله‌جک پارلامنت سئچکیسی ایله باغلی رای سورغولارینین نتیجه‌لری آچیقلانیب.

Axar.az خبر وئریر کی، سورغو تورکییه‌ده فعالیت گؤستره‌ن ۱۵-دن چوخ مستقیل شرکت طرفین‌دن آپاریلیب.

دئمک اولار کی، بوتون رای سورغولاریندا آکپ بیرینجی، ج ح پ ایسه ایکینجی یئرده قرارلاشیب. اما بو سورغولارا جمهور و میللت اتفاقلاری نقطه نظریندن باخیلدیغیندا ایندیکی اقتدارین خیلی گئرییه دوشدویو گؤرونور.

«تورکییه راپورو» شیرکتینین کئچیردیی رای سورغوسوندا آ.ک.پ-نین سسی ۳۵.۴، ج ح پ-نین ۲۷.۴، ایگی پارتییاسینین ۱۰.۳، ح.د.پ-نین ۱۰.۱، م.ح.پ-نین ۵.۹، مملکت پارتییاسینین ایسه ۵.۶ فایز اولوب.

«آر-گ آراشدیرما» شیرکتی ده مارتین ۱۴-ده کئچیردیی رای سورغولارینین نتیجه‌لرینی آچیقلاییب. بورادا دا آکپ ۳۱.۴ فایز سسله بیرینجی اولوب. سونراکی یئرلرده ج.ح.پ (۲۷.۶)، ایگی پارتییاسی (۱۲.۹)، ح.د.پ (۱۲.۱)، م.ح.پ (۶.۶) قرارلاشیب.

دیگر شیرکتلرین ده کئچیردیکلری ری سورغولارینین نتیجه‌لری آز فرقله یوخاریداکیلارلا دئمک اولار کی، عینی‌دیر.