آمریکانین مدافعه ناظری للوید اوستین سناتین سلاحلی قوه‌لرله ایش اوزره کمیته‌سینده پئنتاگونون سیتواسییانی نئجه گؤردویونو آچیقلاییب.

Axar.az خبر وئریر کی، بو سؤزلری روسییالی تانینمیش سیاسی اکسپرت سرگئی مارکوو یازیب.

او بیلدیریب کی، پنتاگونون باخیشینی بو جور عمومیلشدیرمک اولار:

۱. آغیر دؤیوشلرده روسییانین حربی امکانلاری جدی شکیل‌ده محو اولور؛

۲. روسییانین حربی تکنیکاسی چاتیشمیر، اونا گؤره ده دؤیوشه چوخ کهنه تانکلار گؤندریر؛

۳. روسییانین اینتنسیو دؤیوش اوچون مرمی و راکتلری چاتمایاجاق؛

۴. روسییا حاکمیتی سلاح ایستحصالینین عهده‌سین‌دن گله بیلمیر. اونا گؤره روسییا ایران و شیمالی کورئیادان یاردیم خواهیش ائتمه‌یه مجبوردور؛

۵. جبهه خطی آرتیق بیر نئچه آیدیر کی، دییشمیر؛

۶. غربین سلاح یاردیمی سایه‌سینده اوکراینا اوردوسو گوجلو گروپلاشما یارادا بیلیب؛

۷. اوکراینا اوردوسو هاوا شرایطی امکان وئرن کیمی هجوما کئچمه‌یه حاضر اولاجاق؛

۸. یاز هجومو اوکراینا اوردوسونا اوغور اوچون یاخشی شانس وئره‌جک.

«بو مؤقع‌دن او نتیجه چیخیر کی، پنتاگون حقیقتا اوکراینا اوردوسونون یاز عکس-هجومونا چوخ بؤیوک ایستاوکا ائدیر. بو عکس-هجومون اوغورو و یاخود اوغورسوزلوغو نه‌اینکی اوکراینا اوچون، هم ده روسییا و بوتون معاصر دونیا نیظامی اوچون حلل ائدیجی اولا بیلر»، - مارکوو قید ائدیب.