یونسکو باش کونفرانسی‌نین نؤوبه‌‌دن‌‌کنار سئسسییاسیندا واشینگتونون تکلیف ائتدیی شرطلرله آمریکانین تشکیلاتا قاییتماسی باره‌ده قطعنامه قبول ائدیلیب.

Axar.az خبر وئریر کی، عمومی‌لیک‌ده ۱۳۲ اؤلکه قطعنامه‌نین لهینه سس وئریب. ۱۰ اؤلکه بونا قارشی چیخیب، داها ۱۵ اؤلکه ایسه بیطرف قالیب.

قطعنامه‌نین قبولو اوچون ۹۵ سس چوخلوغو طلب اولونوردو، اونا گؤره ده قطعنامه لاییحه‌سی تصدیق ائدیلمیش ساییلیر. آمریکا سون بئش ایلده اؤدنیلمه‌یه‌ن عضولوک حاقی کیمی توپلانمیش ۶۰۰ میلیون دوللار کؤچورمه‌یی پلانلاشدیریر.

خاطیرلاداق کی، واشینگتون ۲۰۱۷-جی ایلده ترامپ آدمینیستراسییاسی زامانیندا تشکیلاتین ایسرائیله موناسیبتی ایله باغلی یونسکودان چیخدیغینی اعلان ائتمیشدی.