«اسپیس ایکس» شرکتینین «فالکون ۹» داشییجی راکتی گلوبال اینترنت شبکه‌سی اوچون نظرده توتولان ۲۲ عدد «استارلینک» پیکلریندن عبارت نؤوبتی گروپو اوربیته چیخاریب.

Axar.az خبر وئریر کی، داشییجی راکت فلوریدا اشتاتیندا یئرلشن کاناورال بورنونداکی ۴۰-جی استارت کمپلکسیندن فضایا بوراخیلیب.

بو، ۲۰۱۹-جو ایلدن بری اینترنت پیکلرینین اوربیته چیخاریلان سایجا ۱۱۰-جو گروپودور. «اسپیس ایکس» ایندیه‌دک کسمیک فضایا عمومی‌لیکده ۵،۱ میندن چوخ پیک بوراخیب. اونلارین ۴،۸ مینی ایشلک وضعیتده‌دیر.

دنیانین ان بؤیوک پیک اوپراتورو اولان «اسپیس ایکس» اوربیته عمومی‌لیکده تخمیناً ۱۲ مین کوسمیک آپارات چیخارماغی پلانلاشدیریر. کمپانییانین قیمتلندیرمه‌سینه اساساً، ۱۰ میلیارد دلارا باشا گله‌جک لایحه پلانتین ایسته‌نیلن گوشه‌سینده گئنیش‌زولاقلی اینترنته چیخیشی تامین ائتمه‌یه امکان یاراداجاق.