ارمنیستاندا بریتانییا قوشونلارینین پیدا اولاجاغیندان هله کی، دانیشمیریق، صحبت ایروانین تهلوکهسیزلیک سیستمینین ترانسفورماسییاسیندان گئدیر.
Axar.az خبر وئریر کی، بو سؤزلری روسییالی پولیتولوگ ایقور کوروتچنکو ارمنیستانلا بؤیوک بریتانییا آراسیندا حربی ساحهده امکداشلیق سازیشینی شرح ائدرکهن دئییب.
اکسپرت بیلدیریب کی، ایروان غربی آوروپا تهلوکهسیزلیک قوهلرینین ترکیب حیصهلرینه اینتگراسییا ایله عینی واختدا روسییا و ک.ت.م.ت-نین چتیریندن چیخما پروسسی آپاریر:
«ارمنیستان حاضردا حربی و حربی-تکنیکی علاقهلری شاخهلندیریر: فرانسادان سونرا بؤیوک بریتانییا ایله امکداشلیق حاقیندا سند ایمضالانیب. بؤیوک بریتانییا گیزلی دیپلماتییا اصوللاری دا داخیل اولماقلا، اهمیتلی تأثیر پوتنسیالینا مالیک جدی اویونچودور. خصوصاً، می-۶-نین وسایتلرینین ایستیفادهسی ایله...
تأسف کی، بو بیر شئی دئمکدیر: روسییانین ارمنیستانلا حاضیرکی گرگینلیین هانسیسا یوللا حل اولوناجاغینا اومیدلری اؤزونو دوغرولتمور».
کوروتچنکو علاوه ائدیب کی، ارمنیستان ک.ت.م.ت-نین ضعیف حلقهسیدیر، بو علاقهنی قوپارماق روسییانی ضعیفلتمک دئمکدیر:
«بو سیاستی آمریکا، بؤیوک بریتانییا، فرانسا و بیر سیرا دیگر دؤلتلر حیاتا کئچیریر».
قید ائدک کی، ارمنیستان بریتانییا ایله حربی ساحهده امکداشلیق بارهده راضیلیغا گلیب.