وان گؤلونده سویون آزالماسی نتیجه‌سینده سلجوقلار دؤورونه عاید مزار داشلاری تاپیلیب.

Axar.az خبر وئریر کی، بو باره‌ده تورکیه مطبوعاتی معلومات یاییب.

معلوماتا گؤره، وان ولایتینین گواش رایونو اراضی‌سینده گؤلون ساحلیندن سلجوقلار دؤورونه عاید ۳۵ مزار داشی وان موزئی اداره‌سینین متخصصلری طرفیندن سودان چیخاریلیب.

یازیلاری و عنعه‌وی موتیولری ایله دقت چکن ایکی متر هوندورلویونده اولان تاریخی مزار داشلاری موزئیه آپاریلیب. محافظه آلتیندا اولان مزار داشلاری تمیزلندیکدن سونرا یئنی‌دن سلجوقلو قبیریستانلیغینا قویولاجاق.

آراشدیرمالار نتیجه‌سینده معلوم اولوب کی، داشلار ۱۹۳۰-۴۰-جی ایللرده بورایا گتیریله‌رک کؤرپو تیکینتی‌سینده استفاده ائدیلیب.