آنا صحیفه پلانت |
ارمنیستانین ۲۰۲۳-جو ایل اوچون ان بؤیوک تجارت طرفداشی اولان ۱۰ اؤلکهنین آدی آچیقلانیب.
Axar.az خبر وئریر کی، ایلک یئرده روسیا قرارلاشیب.
۲۰۲۲-جی ایلده اوکراینادا محاربه باشلایاندان و روسیایا سانکسییا تطبیق ائدیلهندن سونرا سانکسییالارین دلینمهسینده مهم رول اوینایاراق، تجارت حجمینی ۵ میلیاردا قالدیران ارمنیستانین ۲۰۲۳-جی ایل نتیجهسی، سادهجه، فانتاستیک گؤستریجیدیر: روسیا ایله تجارت ۷ میلیارد ۳۰۶ میلیون دلارا قالخیب.
ایکینجی یئرده ۲،۲۹۸ میلیارد دلارلا بیرلشمیش عرب امیرلیکلری، ۳-جو یئرده ایسه ۲،۱۲۷ میلیارد دلارلا چین قرارلاشیب.
ایلک اونلوغا داخل اولان دیگر اؤلکهلر بئلهدیر:
۴. ایران – ۶۹۲،۵ میلیون دلار
۵. آمریکا – ۶۷۰ میلیون دلار
۶. آلمانیا – ۶۳۷،۵ میلیون دلار
۷. ایتالیا – ۴۱۷،۵ میلیون دلار
۸. یاپونیا – ۳۴۸،۱ میلیون دلار
۹. تورکیه - ۳۴۳،۵ میلیون دلار
۱۰. نیدرلاند – ۲۹۸،۸ میلیون دلار.
قید ائدک کی، روسیا ایله تجارت دؤورییهسینین ۲۰۲۳-جو ایلده ۶ میلیارد دلارا قدر آرتاجاغی پروگنوزلاشدیریلیردی. بئله گؤرونور کی، ارمنیستان روسیانین سانکسییالاری دلمهسینده بوتون سرحدلری کئچیب و دؤورییه ۷،۳ میلیارد دلاری آشیب.
ماراقلیدیر کی، ارمنیستانین "بؤیوک باجیسی" فرانسا تجارت طرفداشلاری سیاهیسیندا ایلک اونلوغا بئله دوشمهییب.
تاریخ
2024.02.23 / 09:38
|
مولف
Axar.az
|