اوکراینانین روسیا ایله محاربه‌ده غلبه‌سینه "یاتیریم ائتمک" اوغورسوزلوغا دچار اولدو، محاربه‌نین اؤزو ایسه «اوکراینالی نئوناسیستلرین شیلتاقلیغی» سببینن باشلادی.

Axar.az خبر وئریر کی، بو سؤزلری اسلواکیانین باش ناظیری روبرت فیکو روسیانین اوکراینایا گئنیش‌مقیاسلی اشغالینین ایکینجی ایلدؤنومو ایله باغلی چیخیشیندا دئییب.

«بیزی ایناندیردیلار کی، اوکرایناداکی مناقشه‌نین یالنیز حربی یوللا حلی وار. منجه، اوکرایناداکی محاربه‌نین ایکینجی ایلدؤنومو مناسبتیله بیر قدر فرقلی بیر شی سؤیله‌مک اویغوندور: غرب اعتراف ائده بیلمز کی، مناقشه‌نین داوام ائتدیریلمه‌سی استراتگییاسی اوکراینادا ایشلمه‌دی».

فیکویا گؤره، اوکراینایا پول و سلاحلا کوتلوی دستک، روسیایا قارشی سانکسییالار و ولادیمیر پوتینین «ساختا دمونیزاسییاسی» ایله بیرلشه‌ن غرب استراتگییاسی نتیجه وئرمه‌دی.

او قید ائدیب کی، هر شیه باخمایاراق، روسیا «نه سیاسی، نه ده اقتصادی جهتدن دیز چؤکور»، محاربه‌ده اوکراینادان داها بؤیوک اراضی اوغورلارینا مالکدیر و حربی استحصالینی یئنی شرایطه اویغونلاشدیریر.