فرانسا پرزیدنتی امانوئل ماکرون یالنیز آذربایجانلا مناسبتلری کورلاماییب، قونشوسو و طرفداشی ایتالیایا قارشی دا یئکه‌خانا سیاست آپاریر. ماکرون ایتالیانین ساغ محافظه‌کار حکومت باشچی‌سی جورجیا ملونینی بینمیر، اونونلا مختلف موضوع‌لاردا اختلاف یارادیب.

Axar.az خبر وئریر کی، بو باره‌ده پولیتولوق ائلخان شاهین‌اوغلو قید ائدیب.

اونون سؤزلرینه گؤره، ماکرون بین‌الخالق تدبیرلرده ملونی ایله اوز-اوزه گلمه‌مه‌یه چالیشیر:

«بو دفعه ده بئله اولوب. ماکرون «بؤیوک یئددیلر»این اوکراینا ایله باغلی کیئودن اداره اولونان ویدئوکنفرانسیندا اشتراکدان امتنا ائدیب. سبب کنفرانسا جورجیا ملونینین صدرلیک ائتمه‌سیدیر. ماکرون توپلانتیا قاتیلماماسینی داخلی ایشلرین چوخلوغو ایله ایضاح ائتسه ده، بونا اینانان آزدیر. اکسپرتلر ماکرونون سون حرکتینی «بؤیوک یئددیلر»دکی طرفداشلارینا حرمتسیزلیک کیمی قیمتلندیریبلر. طرفداشلارینا حرمت ائتمه‌یه‌ن لیدر فرانسایا اوزاق جنوبی قفقازلا باغلی نرمال سیاست یورودرمی؟ ماکرونون بالانسی تام پوزاراق جنوبی قفقاز سیاستینی تام ارمنیستان اوزرینده فورمالاشدیرماسینین ان بؤیوک ضرری ایروانا دیه‌جک».