۲۰۲۳-جو ایلین دوققوز آیی عرضینده روسیا ۸،۷۷ میلیارد دلار دیرینده سانکسییالار آلتیندا اولان حربی محصوللار ایدخال ائدیب.

Axar.az خبر وئریر کی، بو باره‌ده «بلومبرگ» معلومات یاییب.

معلوماتا گؤره، ایدخال اولونان محصوللارین ۴۵۰ میلیون آورو دیرینده اولان حصه‌سی آوروپا بیرلیینین پایینا دوشور.

آگنتلیک بیلدیریب کی، اوکراینادا محاربه باشلایاندان بری آوروپا بیرلیی ایله روسیا آراسیندا تجارتین حجمینین آزالماسیندان سونرا همین محصوللارین آوروپا اؤلکه‌لرین‌دن اوچونجو اؤلکه‌لره ایخراجی کسکین شکلده آرتیب.

سانکسییالاردان یاییناراق آوروپا بیرلیی محصوللارینی روسیایا اؤتورن اؤلکه‌لر آراسیندا ارمنیستان لیدردیر.

بونو رقملرده ده گؤرمک ممکوندور. ارمنیستان ایستاتیستیکا کمیته‌سینین سون یایدیغی رقملرده قید اولونوب کی، ۲۰۲۴-جو ایلین یانواریندا اخراج ۲،۱ دفعه آرتاراق ۹۳۴،۱ میلیون دلارا چاتیب.

خاطیرلاداق کی، ۲۰۲۲-جی ایلده اوکراینادا محاربه باشلایاندان سونرا ارمنیستانین روسیایا اخراجی بیر نئچه دفعه آرتیب و ۲۰۲۳-جو ایلده تجارت دوریه‌سی گؤرونممیش حده - ۷،۳ میلیارد دلارا چاتیب.