تورکییه پرزیدنتی رجب طیب اردوغان و سورییا پرزیدنتی بشار اسد یاخین واختلاردا روسییانین پایتختین‌دا دانیشیقلار آپارا بیلر.

Axar.az خبر وئریر کی، بو باره‌ده «آیدین‌لیق» قزئتی ژورنالیست چتینر چتینه ایستینادلا معلومات یاییب.

او، گؤروشون روسییا پرزیدنتی ولادیمیر پوتینین دستیی ایله کئچیریله بیلجیینی وورغولاییب.

بیلدیریلیب کی، گؤروشون یکون تاریخی روسییا پرزیدنتینین تورکییه‌یه سفری زامانی راضیلاشدیریلاجاق.

«تئزلیکله پوتین تورکییه‌یه گله‌جک، سفرین نتیجه‌لرینه اساساً بیر گون تعیین اولوناجاق و مسکوادا اردوغانلا اسد آراسیندا گؤروش تشکیل اولوناجاق. شخصاً من حادثه‌لرین اینکیشافینی ممنونیتله و ماراقلا ایزلییرم»، - دئیه چتین قید ائدیب.

معلوماتلا باغلی رسمی آچیقلاما وئریلمه‌ییب.