بیز ضربه ائندیردیکجه، پ.ک.ک کونجه سیخیلیر. بو دفعه ایسه ایللردیر اونلارا صبر نمایش ائتدیرن اؤلکه‌لرده ترور آکتلاری تؤردیر.

Axar.az خبر وئریر کی، بو سؤزلری تورکیه خارجی ایشلر ناظیری هاکان فیدان بلچیکا و آلمانیادا پ.ک.ک طرفدارلارینین هجوملاری باره‌ده آچیقلاماسیندا دئییب.

ناظیر بلچیکادا تورکیه وطنداشلارینا هجومدان درحال سونرا بلچیکالی همکاری ایله تلفون علاقه‌سی یاراتدیغینی و اولایین آراشدیریلماسینی ایستدیکلرینی بیلدیریب:

«دونه‌ن آخشام آلمانیادا هانوفر باش کنسوللوغوموزا هجوم ائد‌جک قدر یوللارینی آزدیلار. آنکارا و برلین لازمی آددیملاری آتدی. هجومو حیاتا کئچیره‌نلرین عدالت قارشی‌سیندا جواب وئرجیینی گؤزلییریک».

قید ائدک کی، بلچیکانین ایکی شهرینده پ.ک.ک طرفدارلاری تورکییه وطنداشلارینا هجوم ائد‌رک تخریباتا ال آتیب. بوندان علاوه، تورکیه‌نین آلمانیانین هانوفر شهرینده‌کی باش کنسوللوغونون بناسینا دا هجوم حیاتا کئچیریلیب.