اسرائیلین دمشق شهرینده ایرانین کونسوللوغونا ضربه ائندیرمه‌سیندن سونرا تل-اویوه قارشی سسلندیریلن تهدیدلرده آذربایجانین دا آدی چکیلیر.

Axar.az خبر وئریر کی، بو قبیل‌دن اولان چیخیشلاردان بیری ایران پارلامنتینین عضوو جلال رشیدی کوچی طرفیندن ائدیلیب.

او، اسرائیلین آذربایجان‌داکی دیپلماتیک نمایندلیینه هجوم ائتمیی تکلیف ائدیب:

«صهیونیست رژیمین ایران تورپاغینا هجومونا قطعی جواب وئرمکده تردد و صبیر ائتمک ایرانین عزت و آبرینا آغیر ضربه‌دیر. تکلیف ائدیره‌م کی، جواب اولاراق بو اؤلکه‌نین قونشو اؤلکه‌لرده‌کی دیپلماتیک مرکزلریندن بیرینه، اساساً آذربایجان‌داکی نمایندلیینه ضربه ائندیریلسین».

قید ائدک کی، اؤتن گون اسرائیلین دمشق‌ده ایران کونسوللوغونا ائندیردیی ضربه نتیجه‌سینده سپاه-این ایکی گنرالی، ۵ ظابطی، او جمله‌دن دیپلماتلار هلاک اولوب.