آوروپا بیرلیگی، آمریکا و ناتو-نون جنوبی قافقازلا باغلی سون قراری هئچ بیر حال‌دا حیاتا کئچمه‌یه‌جک.

Axar.az خبر وئریر کی، بونو ایرانین عالی رهبری علی خامنه‌ای‌نین بین‌الخالق مسئله‌لر اوزره مشاویری علی اکبر ولایتی دئییب.

اونون سؤزلرینه گؤره، جنوبی قافقاز ایرانین تهلکه‌سیزلیک زوناسینین مهم بیر حیصه‌سی اولدوغو اوچون آوروپا بیرلیگی، ناتو و آمریکانینین بروکسل‌ده‌کی قراری هئچ بیر حال‌دا حیاتا کئچیریلمه‌یه‌جک.

مشاویر آمریکا، آوروپا بیرلیگی، ناتو و ارمنستانین اشتیراکی ایله آپرئلین ۵-ده بلچیکانین بروکسل شهرین‌ده کئچیریلن توپلانتییا مناسبت بیلدیره‌رک دئییب کی، آوروپا بیرلیگی و آمریکا ناتو چرچیوه‌سینده بروکسل‌ده توپلاشاراق یئنی قطعنامه قبول ائدیب:

«جنوبی قافقاز رئگیونونا یئنی اشغال و غیری-قانونی مداخیله پلانی حاضرلایاراق دنیانین بو چوخ حساس بؤلگه‌سینه گویا صلحو تشویق ائتمک مقصدیله مداخیله ائتمک ایسته‌دیکلرینی بیرباشا بیان ائدیبلر».

ع.ولایتی وورغولاییب کی، بو جور حرکتلر دنیانین کریتیک بؤلگه‌لرین‌ده گرگینلیک یاراتماقدان و محو ائتمک باهاسینا حربی موجودلوغا بهانه آختارماقدان باشقا مقصدی یوخدور.