آوروپا بیرلیینین آذربایجان و ارمنیستان آراسیندا مناسبتلرین نرماللاشدیریلماسی پروسسینده‌کی سعیلری ثمره‌سیزدیر.

Axar.az خبر وئریر کی، بونو روسیا خارجی ایشلر ناظیرلیینین رسمی نماینده‌سی ماریا زاخارووا بو گون کئچیردیی بریفینگ زمانی دئییب.

«بیز هر گون داها چوخ امین اولوروق کی، آوروپا بیرلیی-نین باکی ایله ایروان آراسیندا مناسبتلرین نرماللاشماسینا هئچ بیر تحفه‌سی یوخ‌دور. عکسینه، آوروپا بیرلیی نماینده‌لری مختلف تخریباتلارلا، کشفیات فعالیتی، تبلیغات ایشلری ایله مشغولدورلار»، - او وورغولاییب.

زاخارووا بیلدیریب کی، آوروپا بیرلیی و ناتو-نون مقصدی آذربایجان-ارمنیستان نظاملانماسینا رئال یاردیم دئییل:

«غرب جنوبی قافقازی داها بیر گئوسییاسی رقابت میدانینا چئویررک، یئرلی ساکنلرین ماراقلارینا محل قویمادان بو رگیونون حربیلشدیریلمه‌سینی داوام ائتدیریر و فاکتیکی اولاراق یاخین گله‌جکده رگیونون صلح یولو ایله انکشافی وظیفه‌لرینین حیاتا کئچیریلمه‌سینه سون قویور».